ສື່ມວນຊົນລັດຖະບານກ່າວໃນວັນພະຫັດມື້ນີ້ວ່າ ຈີນ ໄດ້ໃຫ້ສັນຍາທີ່ຈະສະໜັບສະໜູນດ້ານເຕັກນິກ ແລະໃຫ້ການຊ່ວຍເຫຼືອດ້ານການທະຫານແກ່ ມຽນມາ ທີ່ປົກຄອງໂດຍທະຫານ ເພື່ອດຳເນີນການສຳຫຼວດພົນລະເມືອງລຸນຫຼັງການເລືອກຕັ້ງ ໂດຍສະແດງໃຫ້ເຫັນເຖິງການສະໜັບສະໜູນຂອງປັກກິ່ງຕໍ່ລັດຖະບານທີ່ຖືກຄວບຄຸມໂດຍກຸ່ມກະບົດປະກອບອາວຸດ ແລະກໍາລັງສືບຕໍ່ ສູນເສຍພື້ນທີ່.
ໜັງສືພິມ Global New Light ຂອງ ມຽນມາ ກ່າວວ່າ ລັດຖະມົນຕີການຕ່າງປະເທດຈີນ ທ່ານ ຫວັງ ຢີ ໄດ້ທໍາການພົບປະກັບຜູ້ນຳລັດຖະບານ ທະຫານ ທ່ານ ມິນ ອອງ ແລງ ລະຫວ່າງການຢ້ຽມຢາມນະຄອນຫຼວງ ເນປີດໍ ໃນວັນພຸດວານນີ້, ເຊິ່ງພວກເຂົາໄດ້ສົນທະນາຫາລືກັນເພື່ອຈັດຕັ້ງ “ການເລືອກຕັ້ງແບບລວມໝົດທຸກຢ່າງ.”
ໜັງສືພິມລັດຖະບານກ່າວວ່າ “ການຊ່ວຍເຫຼືອທີ່ຈໍາເປັນດ້ານເທັກໂນໂລຈີ ຈະສະໜອງໃຫ້ມຽນມາເພື່ອດໍາເນີນຂະບວນການສໍາຫຼວດສໍາມະໂນຄົວ,” ນອກນັ້ນ, ການຊ່ວຍເຫຼືອທີ່ສໍາຄັນດັ່ງກ່າວນີ້ ຈະຖືກມອບໃຫ້ສໍາລັບການເລືອກຕັ້ງ.”
ໃນເດືອນແລ້ວນີ້ ນາຍພົນຂອງມຽນມາໄດ້ຂະຫຍາຍກົດລະບຽບພາວະສຸກເສີນເປັນເວລາ 6 ເດືອນອີກຄັ້ງ ເພື່ອໃຫ້ມີເວລາໃນການເກັບກຳຂໍ້ມູນສຳມະໂນຄົວສຳລັບຜູ້ມີສິດເລືອກຕັ້ງເພີ້ມຂຶ້ນ. ໃນກ່ອນໜ້ານີ້ ທ່ານ ມິນ ອອງ ແລງ ກ່າວວ່າ ການເລືອກຕັ້ງຈະຈັດຂຶ້ນໃນປີໜ້າ.
ການເລືອກຕັ້ງທີ່ສະເໜີມານັ້ນ ໄດ້ຖືກຫົວເຍາະເຍີ້ຍຢ່າງກວ້າງຂວາງວ່າ ເປັນການຫຼອກລວງ, ແລະຜົນທີ່ອອກມານັ້ນເບິ່ງຄືວ່າ ບໍ່ຖືກຮັບຮູ້ຈາກບັນດາ ປະເທດຕາເວັນຕົກສ່ວນຫຼາຍ, ໂດຍມີຫຼາຍພັກຖືກຍຸບຍ້ອນບໍ່ໄດ້ລົງທະບຽນ ເຂົ້າຮ່ວມ, ລວມທັງພັກສັນນິບາດແຫ່ງຊາດເພື່ອປະຊາທິປະໄຕ, ເຊິ່ງເປັນ ພັກທີ່ລັດຖະບານທະຫານໄດ້ທໍາການໂຄ່ນລົ້ມອໍານາດລົງ.
ຫຼາຍໆຝ່າຍທີ່ໄດ້ລົງນາມເຫັນວ່າ ເປັນໂຕແທນຂອງລັດຖະບານທະຫານທີ່ໄດ້ໃຫ້ການສະໜັບສະໜູນຢ່າງເປີດເຜີຍຕໍ່ວາລະຂອງຕົນ, ແລະກໍໄດ້ກ່າວປະນາມຕໍ່ການກໍ່ກະບົດ.
ກະຊວງການຕ່າງປະເທດຈີນບໍ່ໄດ້ກ່າວເຖິງຄວາມຫວັງຂອງການຊ່ວຍເຫຼືອໃນຖະແຫຼງການຂອງຕົນ ກ່ຽວກັບການພົບປະຂອງ ທ່ານ ຫວັງ “ຢີ, ແຕ່ກ່າວວ່າ “ນະໂຍບາຍມິດຕະພາບຂອງ ຈີນ ກັບ ມຽນມາ ແມ່ນແນເປົ້າໝາຍໃສ່ປະຊາຊົນ ມຽນມາທັງໝົດ.”